Qlobal halal sənayenin həcmi 11.2 trilyon dollara çatıb. Əsas artım halal tibb və kosmetika sənayesi ilə bağlıdır.
Bunu İslam Əməkdaşlıq Təşkilatının (İƏT) nümayəndə heyətinin keçirdiyi mətbuat konfransında təşkilatın Baş katibinin İqtisadi məsələlər üzrə köməkçisi Əhməd Kavrsa Sengendo deyib.
O bildirib ki, qlobal halal sənaye getdikcə böyüməkdə davam edir. Hər il 20% civarında artım qeydə alınır.
“Gənc investorları bu sahəyə yönəltmək halal sənayeni daha da inkişaf etdirə bilər” – deyə o əlavə edib.
