“Rabitəbank” Açıq Səhmdar Cəmiyyəti Bakı Şəhəri Nərimanov Rayon Məhkəməsinə tikinti şirkəti ilə bağlı şikayətinə dünən baxılıb. Haqqında şikayət verilən tikinti şirkəti isə “İnter Construction Group” MMC-dir.
Banker.az bildirir ki, bank ilə şirkət arasında “mübahisələrin” səbəbi kredit müqaviləsi üzrə öhdəliyi ilə bağlıdır.
Nərimanov Rayon Məhkəməsi bankın iddiası ilə bağlı qərarını qismən təmin etmək üçün 2 noyabr tarixində qətnamə qəbul edib. Lakin, “Rabitəbank” bu qərarla razı qalmayıb, məhkəmənin qətnaməsi barəsində Bakı Apelyasiya şikayəti verib.
“İnter Construction Group” rəsmən 2006-cı ildə dövlət qeydiyyatına alınsa da, şirkətin internet səhifəsində 2010-cu ildə yarandığı göstərilir. Əsas fəaliyyət sahəsi Sənaye və mülki tikintilər, şəhər və qəsəbələrin su kanalizasiyasa sisteminin bərpa və yenidən qurulması, asfalt yolların çəkilməsi kimi xidmətlərin partnyorlar üçün göstərdiyi bildirilir.
