Moskvanın Taqanski rayonunun 422-ci məhkəmə dairəsinin sülh məhkəməsi Ukraynada keçirilən xüsusi əməliyyat zamanı həlak olanlar haqqında yalan məlumat yaydığına görə “Google” şirkətini 4 milyon rubl məbləğində cərimələyib.
Məhkəmə “Google” şirkətini Rusiya Federasiyasının İnzibati Xətalar Məcəlləsinin 13.41-ci maddəsinin 2-ci hissəsinə əsasən inzibati xəta törətməkdə təqsirli bilərək, 4 milyon rubl məbləğində cərimə tətbiq edib.
Bildirilib ki, məhkəmə protokolu Rusiya Federasiyasının İnzibati Xətalar Məcəlləsinin 13.41-ci maddəsinin 2-ci hissəsi ilə “YouTube” videohostinqində Rusiya Ukraynada hərbi əməliyyat zamanı itkiləri və mülki əhali arasında itkilər barədə məlumatların yer aldığı videoların yayılmasına görə tərtib edilib.
