Rusiyanın Azərbaycana ərzaq və kənd təsərrüfatı məhsulları tədarükünün həcmi orta hesabla ildə təqribən 800 milyon dollar təşkil edir.
Bu barədə “Rusiya İxrac Mərkəzi” SC-nin Azərbaycandakı Nümayəndəliyinin rəhbəri Nuri Quliyev “Made in Russia” ziyafətinin açılışında çıxış edərkən bildirib.
Onun sözlərinə görə, məhz aqrar-sənaye kompleksi və qida sənayesi məhsulları Rusiyanın Azərbaycana ixracının əsas hərəkətverici qüvvəsi olaraq qalır.
“Statistika çox dəqiq elmdir və o göstərir ki, Rusiyanın Azərbaycana ixracının lokomotivi, şübhəsiz ki, kənd təsərrüfatı və qida məhsullarıdır. Orta hesabla hər il Rusiya ixracının təqribən 800 milyon dolları Azərbaycan Respublikasının payına düşür”, – o qeyd edib.
