Bakı Fond Birjasının (BFB) və “PwC Azərbaycan”ın birgə təşkilatçılığı ilə mayın 22-də “Səhm və istiqrazlar vasitəsilə maliyyələşmə və IPO-lar” mövzusunda seminar keçiriləcək.
BFB-dən bildiriblər ki, seminarda kütləvi təklif yolu ilə kapital cəlb edilməsi, səhm və istiqrazların listinq prosesi, IPO-ya hazırlıq, emissiya prospektinin hazırlanması və maliyyə hesabatlılığı barədə məlumat veriləcək.
Seminarda “İnkişaf etməkdə olan bazarlarda yerli valyutada istiqraz emissiyası”, “BFB-də listinq” və “Yeni hüquqi çərçivədə kapital bazarlarının infrastrukturu” mövzularında məruzələr dinləniləcək.
AZƏRTAC
