Dünyanın ən böyük neft ixracatçısı olan Səudiyyə Ərəbistanı, sıx tədarüklə bağlı narahatlıqlar və yayda güclü tələb gözləntiləri fonunda Asiyalı alıcılar üçün iyul ayına olan xam neft qiymətlərini gözləniləndən yüksək səviyyəyə qaldırdı.
İyul ayında Asiyaya yüklənən “Arab Light” markalı neftin rəsmi satış qiyməti (OSP) Oman/Dubay qiymətləri ilə müqayisədə iyun ayından barrel üçün $2,1 artaraq $6,5-ə yüksəlib, bu da may ayında qeydə alınan bütün zamanların ən yüksək həddi olub.
Bu, $1.5 ətrafında artım üçün əksər bazar proqnozlarından xeyli yüksəkdi. “Reuters” sorğusunda altı respondentdən yalnız biri 2 dollar artım proqnozlaşdırmışdı.
“Qiymət sıçrayışı gözlənilməzdir, xüsusən də Arab Light üçün. Qərar bizi çaşdırır”, – deyə, Asiya neft treyderi bildirib.
