2014-cü il Samsung Electronics şirkəti üçün elə də asan başa gəlmədi. Belə ki, şirkətin gəlirləri azaldı, səhm dəyərləri və əsas olan telefon bazarında payı endi. Cənubi Koreya şirkəti bütün bu çətinliklər fonunda top-menecmentində dəyişiklik etmək qərarına gəldi.
Verilən məlumatlara görə, mobil bölmə rəhbəri J.K. Shin öz səlahiyyətlərini dayandıracaq. Onun əvəzində isə B.K.Yoon smartfon və planşet buraxılışına nəzarəti öz üzərinə götürəcək.
Qeyd edək ki, 2014-cü ilin üçüncü rübündə Samsung şirkətinin dünya smartfon bazarındakı payı 23,8%-ə enmişdir. Keçən il isə bu göstərici 32,5%-ə bərabər idi.
