Banker.az saytı rus mətbuatına istinadən xəbər verir ki, Samsung Pay bu həftə BƏƏ-də işləməyə başlayacaq. Regionda mobil ödənişlərə tələbatı artırmaq üçün istifadəçilərə içərisində rəqəmsal pulqabı ilə təchiz edilmiş pulsuz smartfonlar təklif edilir.
Xidmətin Ərəb Əmirliyində partnyoru olan Mashreq Bank bütün yeni müştərilərinə xidmət ilə tanış olmaları üçün pulsuz Samsung Galaxy S7 verəcək. Məhz bu insanlar mobil pulqabı xidmətinin necə işlədiyini regionda sınaqdan keçirən ilk şəxslər olacaq.
Bu smartfonlar isə premium-hesab və kredit kartı açan müştərilərə veriləcək.
