“Apple” şirkəti sabah, sentyabrın 7-si yeni AirPods Pro qulaqlıqlarını təqdim edəcək. “Bloomberg”in redaktoru Mark Qurmanın sözlərinə görə, amerikan korporasiya eyni zamanda iPhone 14 və Apple Watch Series 8 cihazlarını nümayiş etdirəcək.
Banker.az bu barədə “Kommersant”a istinadən xəbər verir.
Xatırladaq ki, ənənəvi olaraq “Apple” yeni məhsulları ilə birlikdə əməliyyat sisteminin yeni versiyasını buraxır. Bu il iOS 16 və watchOS 9-un sentyabrda, iPadOS 16 və macOS Ventura-nın isə oktyabrda buraxılacağı gözlənilir.
