Azərbaycan Mərkəzi Bankı daha bir bank olmayan kredit təşkilatının bazarda iştirakına icazə verib.
Banker.az-ın əldə etdiyi məlumata görə, Mərkəzi Bankın İdarə Heyəti 24 dekabr 2021-ci il tarixdə “SF Azerbaijan” Bank Olmayan Kredit Təşkilatı MMC-yə lisenziya verilməsi ilə bağlı qərar qəbul edib.
BOKT 28 sentyabr 2021-ci il tarixində 300 min manat nizamnamə kapitalı ilə yaradılmışdı.
“SF Azerbaijan” BOKT MMC Bakı şəhəri Nəsimi rayonu, Süleyman Rəhimov, ev 179A hüquqi ünvanında qeydiyyata alınıb.
Bu ünvanda “Muğan Bank”a yaxın sayılan “MFX-Trading İnvestisiya Şirkəti” ASC və “Muğan Lizinq” MMC də fəaliyyət göstərir.
