Şimali Makedoniya Rusiyanın bu ölkədəki 5 diplomatını “persona non grata” elan edib.
TASS xəbər verir ki, bu barədə Rusiyanın Skopyedəki səfirliyinin mətbuat katibi İlya Serov bildirib.
Qeyd edək ki, daha əvvəl Şimali Makedoniya xəbər agentliyi MİA Rusiyanın Şimali Makedoniyadakı səfiri Sergey Bazdnikinin Xarici İşlər Nazirliyinə çağırılaraq Rusiya səfirliyinin 5 əməkdaşının “persona non grata” elan olunması barədə diplomatik nota təqdim edildiyini bildirib.
Diplomatlar beş gün ərzində respublika ərazisini tərk etməlidirlər.
