Azərbaycanda 2022-ci ilin təkcə yanvar ayında şirkətlər və digər təşkilat olan hüquqi şəxslərin dövlət büdcəsinə mənfəət (gəlir) vergisi ödənişinin həcmi 3 mlrd. manata çatdı.
Banker.az bu barədə Dövlət Statistika Komitəsinə istinadən xəbər verir.
2022-ci ilin ilk ayında bu vergi ödənişlərinin həcmi 2 milyard 958.4 milyon manat oldu. Bu da ötən ilin müvafiq dövrünü 26% üstələyir.
Məlumata görə, buda ümumi dövlət gəlirlərinin 11%-ni təşkil edir. Bu isə öncəki ildə 9% idi.
Xatırladaq ki, 2021-ci ilin ilk ayında pandemiya səbəbindən şirkətlərin mənfəət vergisi azlaraq 2 351.7 milyon manata düşdü. Bu 2018-ci ilin analoji dövründə 2 499.65 milyon manat, 2019-cu ildə isə 2 546 milyon manat idi.
Şirkətlərin bütün gəlirləri ilə gəlirdən çıxılan xərc arasındakı fərq mənfəətdir. Mənfəət vergisi də bu mənfəətin müəyyən edilmiş faiz dərəcəsinə vurulması ilə müəyyən edilir. Hazırda mənfəət vergisi 20% olsa da bu şirkətlərin öncəki maliyyə durumlarına (məsələn yığılmış zərərə görə) fərqli hesablanır.
AR Vergi Məcəlləsinin 105-ci maddəsinə əsasən müəssisələrin mənfəətindən 20 faiz dərəcəsi ilə vergi tutulur.
Mənfəət vergisinin dərəcəsi Vergi Məcəlləsində 20% müəyyən edilibdir.
