“Sony” şirkəti iPhone smartfonları üçün oyun ləvazimatları istehsalçısı “Backbone” ilə birlikdə qeympad təqdim edib. Cihaz “Backbone One — PlayStation Edition” adını alıb.
Banker.az bu barədə “Kommersant”a istinadən xəbər verir.
Aksesuar bütün yeni iPhone modellərini dəstəkləyir – 13 Mini-dən tutmuş 13 Pro Max-a qədər. Qeympad həmçinin 3.5 mm-lik qulaqlıq girişi nəzərdə tutur.
“Backbone One” – “PlayStation Edition Apple Arcade”, “Xbox Game Pass” və “Stadia”dan həm mobil, həm də konsol oyunlarını dəstəkləyir. Aksesuarın qiyməti 100 dollar təşkil edir. Onun 2022-ci ilin payızında satışa çıxacağı gözlənilir.
