Yaponiyanın İT nəhəngi “Sony” və avtomobil istehsalçısı “Honda”nın əməkdaşlığı əsasında yaradılan “Sony Honda Mobility” (SHM) müəssisəsinin nümayəndələri inteqrasiya olunmuş PlayStation 5 oyun konsolu ilə təchiz edilmiş elektromobil haqqında planlarını təsdiqləyiblər.
Banker.az bu barədə xarici mediaya istinadən xəbər verir.
Güman edilir ki, yeni brendin ilk elektromobili Şimali Amerika bazarına 2026-cı ildə çıxacaq. Sonra yenilik Yaponiya və Avropada görünəcək.
“Sony Honda Mobility” hələ bu ilin əvvəlində “Honda” və “Sony”nin güclü tərəflərini birləşdirən müəssisə kimi yaradılmışdır. Tərəfdaşlıq çərçivəsində şirkətlər bir-biri ilə dizayn inkişaflarını, rabitə, musiqi, video və elektron sensorlar sahəsində ən qabaqcıl texnologiyaları bölüşürlər.
