Şri-Lankanın Maliyyə Nazirliyi ölkənin bütün xarici öhdəlikləri üzrə ödənişlərin dayandırıldığını elan edib. Bu barədə idarənin çərşənbə axşamı yaydığı sərəncamda deyilir.
Banker.az bu barədə “TASS”a istinadən xəbər verir.
“Nazirliyin siyasəti BVF-nin dəstəklədiyi iqtisadi transformasiya proqramına uyğun olaraq bu öhdəliklərin lazımi şəkildə yenidən qurulması üçün bütün [xarici] borclar üzrə ödənişləri müəyyən müddətə dondurmaq olacaq”, – sənəddə deyilir.
Qeyd edək ki, ölkə 1948-ci ildə müstəqillik əldə etdikdən sonra ən pis böhranı yaşayır. Buna pandemiya zamanı turist axınının azalması səbəbindən valyuta qıtlığı səbəb olub.
