Kapital Bazarları Şurası (SPK) Türkiyədə baş verən zəlzələ fəlakətinin bazarlara təsirini minimuma endirmək üçün bir sıra yeni tədbirlər görüb və bu açıqlamadan sonra fəaliyyətini bərpa edən birjada xeyli canlanma müşahidə edilib.
Banker.az xəbər verir ki, ölkənin ən böyük 100 şirkətinin səhmlərini ölçən BIST100 indeksi sessiya açılan kimi 6.3% artaraq 4 788 bəndi keçib. Bu da fevralın 7-dən bu tərəfə itkini tam bərpa etməsi deməkdir. BIST100 indeksi 4 511 bəndlərə qədər azalmışdı.
Ölkə banklarının səhmlərini ölçən “BIST Banka” indeksi isə 7.94% artımla 3 979 bəndə çatıb.
SPK-nın həftəlik bülletenində dərc olunan qərarlara əsasən, investor şikayətlərinin azaldılması çərçivəsində zəlzələ günü olan fevralın 6-dan etibarən borcunu ödəməyənlər üçün iyunun 30-dək heç bir tədbir görülməməsi qərara alınıb.
SPK həmçinin BIST 100-də ticarət edilən şirkətlər üçün geri alış proqramı ilə bağlı bir sıra yumşaldıcı qərarlar qəbul edib. Müvafiq olaraq, səhmləri birjada satılan açıq korporasiyalar və onların törəmə şirkətləri idarə heyətinin qərarı ilə ümumi yığıncağın qərarı olmadan, ikinci elan edilənə qədər geri satın alma proqramına başlaya bilərlər.
Bu qərarlarla SPK də geri alınan səhmlərin geri alındığı tarixdən 30 gün ərzində satılmaması barədə qərar qəbul edib.
