İstanbul Terror və Mütəşəkkil Cinayətkarlıqla Mübarizə Bürosu iş adamı İbrahim Qaradumanı 5.5 milyon dollarlıq (təxminən 90 milyon lirə) saxta sənədlə aldadan vəkil Aydın M.-ni həbs edib. İş adamının şikayəti ilə başladılan istintaqda 6 şübhəli barəsində cinayət işi açılıb.
Banker.az bu barədə “Sabah”a istinadən xəbər verir.
Belə ki, “Karaduman İnşaat və Emlak Otomotiv”in sahibi İbrahim Qaraduman, keçən ilin aprel ayında İstanbul İcra Müdirliyindən bildiriş alıb. Xəbərdarlığa əsasən, onun borcu olduğu 5.5 milyon dollar (təxminən 90 milyon lirə) veksel məhkəmə icraatına verilib. Özgür B.-yə aid olduğu görünən veksel Başaran Akyüz tərəfindən təsdiq edilib. Bundan şoka düşən Qaraduman etiraz edib. O, İstanbul Cümhuriyyət Baş Prokurorluğuna müraciət edərək borcun, hətta imzanın ona aid olmadığını bildirib.
Özgür B.-nin bir təşkilatla əməkdaşlıq edərək onu aldatmağa çalışdığını iddia edən Qaraduman bildirib ki, Özgür B.-nin evini 2015-ci ildə girov kimi alıb. Lakin Özgür B. ilə boşanma ərəfəsində olan həyat yoldaşı ev hüququnun qəsb edildiyi iddiası ilə məhkəməyə müraciət edib və bundan sonra satış ləğv edilib. Qaraduman deyir ki, illərdir görmədiyi Özgür B. bu səbəbdən hələ də ona qarşı düşmənçilik bəsləyir.
İbrahim Qaraduman müraciət ərizəsinin davamında qeyd edib ki, ucuz qiymətə tenderlərin arxasınca qaçan vəkil Mehmet A. ilə görüşdükdən sonra onunla işləmək qərarına gəlib. Borca səbəb olan sənəddəki imzalar da vəkil Mehmet A. ilə bağladığı müqaviləyə atdığı imzanın təhrif olunmuş versiyasıdır. qərarına gəldiyini və borca aid qanun layihəsi üzərində imzaların saxtalaşdırılaraq hazırlandığını iddia edib. Qaraduman müraciətində bunları da əlavə edib: “Heç bir əlaqəm olmayan bu şəxslərə 90 milyon lirə borcum olması mümkün deyil. Özgür B. və Başaran Akyüzün iki vəkili Aydın M. və Kübra T. sənədin saxta olduğunu bilə-bilə məhkəmə icraatını başladıblar və bütün var-dövlətim müsadirə edilib. 57 daşınmaz əmlakım mənə məxsus olmayan borc ucbatından müsadirə olunub, satışa çıxarılıb. Bu hadisə vəkillərin də daxil olduğu qruplaşma tərəfindən həyata keçirilib”.
İfadəsi alınan Özgür B. isə Qaradumanın ona verdiyi çeki borcu qarşılığında Akyüzə verdiyini və sənədin saxta olmadığını deyib. Təhlil üçün Məhkəmə Tibb İnstitutuna göndərilən sənədin saxta olduğu və imzanın sərbəst imitasiya üsulu ilə yaradıldığı müəyyən edilib. Müəyyən edilib ki, vəkil Aydın M. sənədin saxta olduğunu bildiyi halda sənədi icraata qoyub.
Saxta imza ilə milyonlarla dollarlıq sənəd hazırlayan vəkil Aydın M., vəkil Mehmet A., Özgür B. və Başaran Akyüzün işbirliyi ilə hərəkət etdiyi müəyyən edilib. Aydın M. həbs edilib. Aydın M.-in mütəşəkkil şəkildə birdən çox varlı ailəni soymağa cəhd etdiyi də ortaya çıxıb. Şübhəlilər Özgür B., Can A., Başaran A. və Barış Y. ifadələrində bəyan ediblər ki, sənədlər saxta deyil, məhkəmə-tibbi ekspertiza rəyinin nəticəsi doğru deyil. Adıçəkilən şəxslər onlara qarşı irəli sürülən ittihamları qəbul etmədiklərini bildiriblər.
İstanbul Cümhuriyyət Baş Prokurorluğu Terror və Mütəşəkkil Cinayətkarlıqla Mübarizə Bürosu tərəfindən aparılan istintaqın sonunda saxta sənəd hazırlayaraq icraata təqdim edən 6 şübhəli haqqında dövlət qurum və təşkilatlarından alət kimi istifadə edərək fırıldaqçılıq və rəsmi sənəddə saxtakarlıq maddəsi ilə cinayət işi açılıb. O da qeyd edilib ki, Məhkəmə Tibbi Ekspertizasının hesabatına əsasən, sənədlərdəki imzalar şikayət edən tərəflər – İbrahim Qaraduman və Rıfat Cem Dinçerə aid deyil.
Başaran Akyüz və Özgür B. üçün 15 ilə qədər həbs cəzası istənilir. Onların işlərinin İstanbul Ağır Cəza Məhkəməsində aparılması da tələb olunur.
Həmçinin, iki vəkil üçün protokol tərtib edilib.
İşə yaxın günlərdə baxılacaq.
