“Xəzər-Qara dəniz beynəlxalq nəqliyyat marşrutu üzərində iş aparılır”.
Bunu rəqəmsal inkişaf və nəqliyyat nazirinin müavini Samir Məmmədov Azərbaycan və Rumıniya Hökumətləri arasında ticarət-iqtisadi əlaqələr və elmi-texniki əməkdaşlıq üzrə Müştərək Komissiyanın 6-cı iclasında bildirib.
O deyib ki, artıq layihə hazırdır və tərəflərə baxılması üçün təqdim edilib:
“Həmçinin rəqəmsal sahədə də böyük işlər aparılır. Bu gün ənənəvi şəhərlərin “ağıllı şəhər”lərə çevrilməsi qarşımızda dayanan prioritet məsələlərdəndir. Digər tərəfdən, Azərbaycanda əhalinin 81 faizdən çoxunun internetə çıxışı var. 6 milyondan çox abunəçi genişzolaqlı internetlə təmin edilib”.
