“Yeni turizm planı ilə bağlı qanun layihəsi Milli Məclisə təqdim olunub”.
Bu barədə Dövlət Turizm Agentliyinin sədri Fuad Nağıyev Azərbaycanda turizm bələdçilərinin ilk dəfə dövlət tərəfindən milli sertifikatlaşdırılması prosesi ilə danışarkən məlumat verib.
O bildirib ki, qanun layihəsində turizm sektorunun inkişafını təşviq edəcək əhəmiyyətli nüanslar mövcuddur:
“Burada turizm təlimçilərinin də sertifikasiyası hüquqi müstəvidə öz əksini tapıb. Eləcə də yeni qanun layihəsinə əsasən yaradılan turizm reyestrində təlim bələdçilərinin də diversifikasiyası aparılacaq. Bütün bunlar ölkədə turizmin inkişafına təkan verəcək”.
