Yunanıstan hakimiyyəti istehlakçılara 2021-ci ilin dekabrından 2022-ci ilin iyununa qədər elektrik enerjisinin qiymətlərindəki artımı kompensasiya etmək üçün 260 milyon avro ayırıb, daha 40 milyon avro isə iyun ayı üçün belə hesablar üzrə ödənişləri azaltmaq üçün ayrılacaq.
Bu barədə Yunanıstanın Baş naziri Kiryakos Misotakis bildirib.
“Bu gündən etibarən Yunanıstan dövləti bütün ölkələr və bütün ev təsərrüfatları üçün kəskin problemə çevrilən yüksək qiymətlərlə mübarizədə daha bir silah tətbiq edir: “Power Pass” tətbiqi ötən ilin dekabr ayından etibarən iyun ayına qədər elektrik enerjisi haqqı artımının bir hissəsini istehlakçılara kompensasiya etməyə başlayır”, – Misotakis deyib.
