Ukrayna Prezidenti Volodimir Zelenski ölkə vətəndaşlarını sığınacaqlarda qalmağa çağırıb.
Zelenski bu barədə məlumatı öz teleqram kanalında paylaşıb.
“Genişmiqyaslı müharibənin 229-cu günü. 229-cu gündə bizi məhv etməyə və Yer üzündən tamamilə silməyə çalışırlar. Təəssüflər olsun ki, ölən və yaralananlar var. Xahiş edirəm, sığınacaqları tərk etməyin. Özünüzü və sevdiklərinizi qoruyun”, – deyə Zelenski qeyd edib.
Xatırladaq ki, Rusiya ordusu bu gün səhər saatlarından başlayaraq Ukraynanın Kiyev, Dnepr, Ternopil, Lvov, Obuxov şəhərlərini, eləcə də Jitomir, Xmelnitski vilayətlərini raket atəşinə tutub.
