UEFA ona üzv olan bütün milli assosiasiyaların hər birinə 1 milyon avro əlavə vəsait ayıracaq. Bu barədə Finlandiyanın paytaxtı Helsinkidə keçirilən Konqresdə UEFA-nın prezidenti Aleksandr Çeferin açıqlama verib.
“Biz hər bir assosiasiyaya cari tsikl üçün əlavə olaraq, 1 milyon avro ayırmağı qərara aldıq. Belə ödənişlər UEFA-nın yaxşı maliyyə nəticələri və uğurlu turnirlər sayəsində mümkün oldu” deyə sloveniyalı funksioner bildirib.
Qeyd edək ki, UEFA-nın tərkibinə 55 milli assosiasiya, o cümlədən AFFA daxildir./Report
UEFA-nın 2017-ci il üçün heabatı…
UEFA-nın 2015/16 mövsümündəki gəliri bəlli olub. Bu, qitənin futbol qurumunun 41-ci Növbəti Konqresində açıqlanan maliyyə hesabatından sonra müəyyənləşib.
Məlum olub ki, UEFA ötən mövsüm 4,6 milyard avro qazanıb, 3,31 milyard avro xərcləyib. Bu isə o deməkdi ki, qurum 1,27 milyard avro məbləğində xalis mənfəət götürüb.
UEFA teleyayımdan 2,16 milyard avro, kommersiya hüquqlarının satılmasından 928 milyon avro, bilet satışından 286,5 milyon avro, qonaqpərvərlik xidmətlərindən 142,4 milyon avro əldə edib. Digər gəlirlər isə 37,3 milyon avronu əhatə edib.
Bildirilib ki, UEFA 2014/2015 mövsümündə bundan 2 dəfədən də az – 2,099 milyard avro qazanıb. 2015/2016 mövsümünün gəlirindəki artım AÇ-2016 ilə bağlı olub./APA
