ABŞ-da keçmişdə Donald Trampa məxsus olan “Ferrari F430” markalı idman avtomobili hərraca çıxarılıb.
Banker.az bu barədə xarici KİV-ə istinadən xəbər verir.
Bildirilir ki, “sportcar” $400 000 – 500 000 arasında dəyişən qiymətə satılır.
Hərrac elanı “Mecum Auctions” evinin saytında yerləşdirilib. Orada qeyd oluna məlumata əsasən, Tramp 2007-ci il istehsalı olan bu avtomobili yeni alıb, buna görə sənədlərdə prezidentin “Trump Tower” göydələnindəki ünvanı və şəxsi imzası var.
“Ferrari”nin yürüşü cəmi 11 120 km təşkil edir, buna görə avtomobil demək olar ki, “mükəmməl” vəziyyətdədir. O, 4.3 litrlik mühərrik, avtomat korobka, elektron idarəetmə sistemi və digər funksiyalarla təchiz olunub.
Hərrac yanvarın 7-dən 16-dək keçiriləcək.
