Avropa İttifaqının dərman tənzimləyicisi olan Avropa Dərman Agentliyi (EMA) 12-17 yaşlı şəxslər üçün koronavirusa qarşı “Moderna” vaksinindən istifadəyə icazə verib.
Bu barədə agentliyin bəyanatında deyilir.
“Daxil olmuş məlumatların qiymətləndirilməsindən sonra EMA 12-17 yaşlılar üçün “Moderna” vaksininin tətbiqini tövsiyə edə bilər… Yaşı 12-dən yuxarı olanlara vaksinin vurulması digər yaş kateqoriyaları ilə eyni qaydada həyata keçiriləcək: vaksin çiyin əzələsinə 4 həftəlik fasilə ilə 2 dozada vurulacaq”, – məlumatda qeyd olunub.
Son vaxtlaradək Aİ ərazisində “Moderna”nın 18 yaşdan yuxarı şəxslərə vurulmasına icazə verilirdi. Hazırda Aİ-də yaşı 12-dən yuxarı olanlara “Pfizer/BioNTech” şirkətinin vaksini vurulur.
