2021-ci ilin yekunlarına görə, Azərbaycanın tədiyə balansının cari əməliyyatlar hesabında ÜDM-in 8% səviyyəsində profisit gözlənilir.
Bu barədə Milli Məclisin bu gün keçirilən iclasında Azərbaycan Mərkəzi Bankının (AMB) sədri Elman Rüstəmov deyib.
Xatırladaq ki, 2021-ci ilin birinci yarısında Azərbaycanın cari əməliyyatlar hesabının profisiti 1 878,4 mln. ABŞ dolları və ya ÜDM-nin 8%-ni təşkil edib. 2020-ci il üzrə isə cari əməliyyatlar hesabının kəsiri 227,6 mln. dollar və ya ÜDM-nin 0,5%-ni təşkil edib. (2019-cu ildə 4,4 mlrd. dollar profisit olub).
