Avropa İttifaqı Rusiyaya qarşı yeni sanksiyalar paketini müzakirə etməyə başlayıb. “Bloomberg” yazır ki, 13-cü paketin Ukraynada xüsusi hərbi əməliyyatın başlanmasının ikinci ildönümü olan fevralın 24-nə qədər təsdiqlənməsi planlaşdırılır.
Agentliyin məlumatına görə, yeni sanksiyaların müzakirəsi yanvarın 17-də Avropa dövlətlərinin səfirlərinin görüşündə baş tutub. Mənbələrin məlumatına görə, Rusiyaya qarşı yeni sanksiyalar ticarət məhdudiyyətlərinin gücləndirilməsi, qara siyahıların genişləndirilməsi və Rusiyanın Aİ daxilində üçüncü ölkələr və şirkətlər vasitəsilə sanksiyalardan yayınmasına nəzarətin gücləndirilməsindən ibarət olacaq.
Həmçinin görüş zamanı dövlət səfirləri Ukraynaya yeni yardım formatını müzakirə ediblər. Aydınlaşdırılır ki, Aİ-nin 27 ölkəsi arasında Ukraynaya maliyyə vəsaitinin ayrılması ilə bağlı ümumi konsensus olmasa, Aİ Macarıstandan yan keçərək, Kiyevə fərdi şəkildə kömək etmək üçün sazişlər bağlamağı planlaşdırır.
Rusiyaya qarşı 12-ci sanksiyalar paketi 2023-cü il dekabrın 18-də qəbul edilib. Sənəddə ilk dəfə olaraq Rusiyanın dondurulmuş aktivlərinin müsadirə edilməsi ehtimalı qeydə alınıb. Xüsusilə, Aİ-yə görə, Rusiyadakı aktivləri üzərində nəzarətdən “zorla” məhrum edilmiş xarici şirkətlərə kompensasiya ödəmək üçün istifadə edilə bilər.
