Qazaxıstan Prezidenti Kasım-Jomart Tokayev rusiyalı həmkarı Vladimir Putini Rusiya-Ukrayna münaqişəsini dondurmağa və İstanbuldakı danışıqlara qayıtmağa çağırıb.
Bu barədə K.Tokayev bu gün Omskda Putinlə görüşündə deyib.
“Bəlkə də, artıq bu münaqişəni dondurmağa və İstanbul formulu 2.0-a qayıtmağa dəyər, çünki orada əhəmiyyətli nəticələr əldə edilmişdi”, – Qazaxıstan Prezidenti bildirib.
Rusiya mediasının məlumatına görə, K.Tokayev görüşdə qeyd edib ki, Qazaxıstan Moskva və Kiyev arasındakı münaqişənin nizamlanması üçün vasitəçi olmaq niyyətində deyil:
“Qazaxıstan kənar ölkə deyil, lakin eyni zamanda, bütün təklif və çağırışlara baxmayaraq, mən vasitəçi olmaqdan qəti şəkildə imtina edirəm”.
