AccessBank”dan “PAŞA Bank”a transfer

“AccessBank”ın Rəqəmsal Bankçılıq üzrə İcraçı Direktoru Səbinə Qurbanova “PAŞA Bank”ın “Digital Lab” strukturunda Məhsullar istiqamətinin rəhbəri təyin olunub.

Qeyd edək ki, Səbinə Qurbanova “AccessBank”da öz fəaliyyətini 2005-ci ilin noyabr ayında Mikrokreditləşmə üzrə kiçik mütəxəssis vəzifəsində başlayıb. 2006-cı ilin may ayından Müştəri Xidmətləri Şöbəsinə keçərək burada Baş mütəxəssis vəzifəsinədək yüksəlib. 2009-cu ilin may ayından İnkişaf və Metodologiya Departamentinin rəhbəri, 2013-cü ilin yanvar ayından isə Bankçılıq Xidmətlərinin rəhbəri vəzifəsində çalışıb. Səbinə Qurbanova 2017-ci ilin may ayında Rəqəmsal Bankçılıq üzrə İcraçı Direktor vəzifəsinə təyin olunub.