Amazon və Warner Bros. şirkətlərinin birgə “Üzüklərin hökmdarı” fentezi romanı əsasında yaradılan serialın çəkilişləri hələ başlamayıb, lakin artıq ən azı beş mövsümün olacağı elan olunub. Serialın istehsalı üçün ən azı 1 milyard dollar sərf olunacağı planlaşdırılır. İndi ən bahalı serial Amazonun rəqibi Netflix-in “The Crown” (Tac) serialıdır. 10 seriyanın çəkilişinə təxminən 150 milyon dollar xərclənib.
Amazon 2017-ci ilin noyabr ayında Netflix-i qabaqlayaraq Con Tolkienin (John Tolkien) romanlarını ekranlaşdırmaq hüququnu əldə etdi. Anlaşmanın məbləği açıqlanmır; The Telegraph onu təxminən 250 milyon dollara qiymətləndirib.
Müqavilənin şərtlərinə əsasən, Amazon şounun hazırlanmasına müqavilə imzalandığı andan iki il ərzində başlamalı və beş il ərzində çəkilişləri tamamlamalıdır. Müqayisə üçün: rejissor Piter Ceksonun (Peter Jackson) “Üzüklərin hökmdarı” trilogiyasının bir filminin çəkilişi 400 gündən çox çəkmiş və orta hesabla 281 milyon dollara başa gəlmişdi.
