Avropa Mərkəzi Bankının (ECB) inflyasiya ilə mübarizəsi yarım il ərzində sona çata bilər, çünki siyasətçilər iyul ayından etibarən faiz artımını geri qaytarmağa başlaya bilər. Banker.az bildirir ki, bu barədə Bloomberg-in sorğusuna qatılan iqtisadçılar konsensus fikir bölüşüblər.
Agentlik yazır ki, depozit dərəcəsi üç addımda hazırkı 2% səviyyəsindən 3.25%-ə yüksəldiləcək. Bir daha Banker.az olaraq xatırladaq ki, depozit faizi, faiz parametrlərinin aşağı həddi gedir. ECB depozit faizini uçot faiz dərəcəsindən 50 baza bəndi az, borclanma faizini isə isə uçot faiz dərəcəsindən 50 baza bəndi çox olaraq həyata keçirir. Hazırda uçot faiz dərəcəsi 2.50%-dir. Sorğu fevral və mart görüşlərində iki yarım ballıq artımı, ardınca isə may və ya iyun aylarında 25 baza bəndlik artımı göstərir. Median analitik proqnozu daha sonra üçüncü rübün əvvəlində nisbətin yenidən 3%-ə enməsi proqnoz edilir.
Belə bir ssenari ECB-nin öncəki çıxışları ilə müqayisə etsək bir qədər kəskin dönüşdür. Çünki, ECB rəhbəri son iclasda şahin çıxışı ilə yadda qaldı.
Son “MLIV Pulse” sorğusuna görə, investorlar depozit faizinin daha da artdığını görürlər, sorğunun yarısından çoxu onun zirvəsinin 3.5% və ya daha yüksək olacağını proqnozlaşdırır.
Azərbaycanın ixracının böyük hissəsini təşkil edən Avrozonada qiymət artımları mülayim olsa da və istehlakçılar daha az narahat olsalar da, siyasətçilər daha yüksək enerji xərcləri və maaşlar geriləmə ilə qidalandığı üçün keçən ay rekord vuran əsas inflyasiyanı aşağı salmağı hədəfləyiblər.
ECB rəhbəri Robert Holzmann keçən həftə “Əsas inflyasiya zirvəyə çatmadığı müddətcə, baza inflyasiyasındakı dəyişiklik qərarımızda dəyişiklik etməyəcək” demişdi.
Sorğuda iştirak edən iqtisadçılar, ərzaq, enerji və digər dəyişkən maddələri nəzərə almayan baza qiymət göstəricisinin 2023-cü ilin son üç ayında 3.5%-ə qədər geriləmədən əvvəl bu rübdə orta hesabla 5.1% zirvəyə çatacağını düşünürlər.
Baza inflyasiyanın həmin dövrdə 8.5%-dən 3.7%-ə qədər azalacağı gözlənilir.
