2020-ci ilin yanvar-noyabr aylarında ölkəyə 3 203 ədəd yük avtomobili, 223 ədəd avtobus idxal olunmuşdur.
Banker.az bu barədə Dövlət Statistika Komitəsinə istinadən xəbər verir.
2020-ci ilin yanvar-noyabr ayında Azərbaycana ümumilikdə 25 mln. 86 min dollar məbləğində avtobus idxal edilib ki, bu da 2019-cu ilin müvafiq dövrünün göstəricisi ilə müqayisədə 3 dəfə azdır.
Statistik məlumatlara əsasən, hesabat dövründə respublikaya ümumilikdə 223 ədəd avtobus (azalma 2.2 dəfə) idxal olunub. 2019-cu ilin eyni dövründə isə Azərbaycana 494 ədəd avtobus gətirilib.
Bu ilin yanvar-oktyabr ayında Azərbaycana 156 ədəd avtobus idxal edilib. Belə ki, təkcə noyabr ayında isə gətirilən avtobusların sayı 67 ədəd olub.
