Bu ilin 11 ayında Azərbaycandan 84 697 ton pambıq lifi göndərilib.
Banker.az xəbər verir ki, bu barədə Dövlət Gömrük Komitəsi məlumat yayıb.
2020-ci ilin yanvar-noyabr aylarında ixrac edilən pambıq lifinin dəyəri 111 916 min ABŞ dolları olub.
Ötən ilin eyni aylarında ölkədən 108 833 min dollarlıq 78 493 ton pambıq lifi ixrac edilib. Belə ki, pambıq lifinin ixracı dəyər ifadəsində 3% artıb, miqdar ifadəsində isə 8% artıb.
Onu da qeyd edək ki, 11 ay ərzində Azərbaycandan 14 965 min dollarlıq 7 272 ton pambıq ipliyi ixrac edilib. 2019-cu ilin müvafiq dövründə isə pambıq iplik 27 306 min dollar vəsait gətirmişdi və ixrac olunmuş məhsulun həcmi 11 542 ton olmuşdu. İllik müqayisədə ixrac edilən pambıq ipliyin dəyəri 2 dəfəyə yaxın, miqdarı isə 37% azalıb.
