Cənubi Qafqazın ən böyük şəkər zavodu İmişli Şəkər Zavoduna, yaxud hüquqi adı ilə “Azərbaycan Şəkər İstehsalat Birliyi” maya qoyulur. Bu barədə Banker.az-a daxil olan informasiyada qeyd edilir.
“Azersun Holding”in nəhəng şəkər istehsalçısı olan “Azərbaycan Şəkər İstehsalat Birliyi” MMC-nin nizamnamə kapitalının həcmi 128.56 milyon manata çatdırılıb.
Bu isə 6.95 milyon manat, yəni 5.7% artım deməkdir.
“Azersun Holding” bu zavoda sonuncu dəfə 2020-ci ilin dekabrında 28%, yaxud 26.6 milyon manat maya qoymuşdu. Həmin vaxta qədər İmişli Şəkər Zavodunun nizamnamə kapitalı 95 milyon manat idi.
Zavod 2003-cü ildən inşa edilsə də, rəsmi olaraq şirkət kimi 2001-ci ildən qeydiyyatdadır. Zavod Azərbaycanın İmişli şəhərində yerləşir. Gündə 1100-1200 ton yüksək kristal şəkər istehsal etmək gücünə malikdir. Şirkətdə 1 400 nəfər işçi heyəti çalışmaqdadır.
