Kriptovalyutalar çərşənbə axşamı ABŞ Federal Ehtiyat Sisteminin tezliklə faiz endirimlərinə başlayacağına dair artan mərcə görə kəskin yüksəlib.
Banker.az-ın “İnvestisiya” bölməsi xəbər verir ki, bu həftə FED diqqət mərkəzindədir, çünki FED sədri Cerom Pauel cümə günü Cekson Hol simpoziumunda çıxış edəcək və bu çıxış investorlar tərəfindən yaxından izlənilir.
Kriptovalyutalar adətən, faiz endirimləri yaxınlaşanda riskli yatırımların, o cümlədən kriptovalyutaların, təşviq olunduğu üçün bazarlarda artımları izləyərək çərşənbə axşamı qazanclar əldə etdi.
“CME FedWatch Tool”a görə sentyabr ayında 25 baza bəndi endirimi ehtimalı 75.5% olaraq qiymətləndirilir. Həmçinin, 50 baza bəndi endirimi ehtimalı isə 24.5%-dir.
Bitcoin çərşənbə axşamı birjalar açılmamışdan öncə 61 000 dollar səviyyəsini keçdi, sonradan bəzi qazanclarını itirərək 4.52% artımla 60 752 dollara yüksəldi.
Digər kriptovalyutalar da yüksəldi. XRP 8.3% artaraq $0.15, Etherium isə 3.07% artaraq $2,660 oldu. Solana 3.78% artaraq $146.5 səviyyəsinə qərarlaşıb.
Kripto mübadilə platforması “Coinbase” 2.2% artdı, Bitcoin proksisi sayıla “MicroStrategy” 2.5% yüksəldi və “Square” rəqəmsal platformasının sahibi “Block” birja öncəsi 0.2% artdı.
