15 C
Baku
Friday, March 29, 2024

“Coca-Cola” Azərbaycanda satışların həcmini iki dəfə artırmağı planlaşdırır

“Coca-Cola” şirkəti yaxın bir neçə il ərzində Azərbaycanda satışların həcmini iki dəfə artırmağı planlaşdırır. Bunu şirkətin Qafqaz regionu üzrə meneceri Edrian Çernautan deyib.

“”Coca-Cola” şirkəti yaxın illər ərzində Azərbaycanda satışların həcmini iki dəfə artırmağı planlaşdırır. Bunun üçün şirkət cari ilin II yarısında və gələn il ölkə bazarına yeni “Coca-Cola” məhsulları çıxarmağı planlaşdırır”, – deyə o, bu gün jurnalistlərə bildirib.

Menecerin sözlərinə görə, 2017-ci ilin yekunları üzrə şirkətin gəlirlərində ikirəqəmli artım qeydə alınıb. “Biz növbəti illərdə də gəlirlərin artacağına ümid edirik. Azərbaycan şirkətimizin biznesinin inkişafı üçün böyük potensiala malikdir”, – deyə o əlavə edib.

E. Çernautan vurğulayıb ki, “Coca-Cola” şirkəti Azərbaycanda 1994-cü ildən fəaliyyət göstərir.

Fəaliyyət göstərdiyi dövr ərzində (2017-ci il daxil olmaqla) şirkət Azərbaycan iqtisadiyyatına $150 mln. investisiya qoyub, dövlət büdcəsinə vergi ödənişləri $250 mln. məbləğində olub.

Hazırda “Coca-Cola” 200 ölkədə fəaliyyət göstərir. Şirkətin portfoliosuna 4 min içki növü daxildir.*

CocaColaAdrianCernautanmanager

Son xəbərlər
Digər xəbərlər