Taliban hakimiyyətinə və hücum təhdidinə baxmayaraq, Əfqanıstanı getdikcə daha çox turist ziyarət edir.
Turlar çox vaxt Əfqanıstanın mərkəzi Bamyan şəhərinə təşkil olunur. Şəhər məşhur Budda heykəllərinə, daha doğrusu, onların qalıqlarına yaxın olduğuna görə turistlər arasında populyardır. Bu heykəllər 2001-ci ildə ilk Taliban rejimi zamanı dağıdılmışdı və dünya ictimaiyyətinin hiddətinə səbəb olmuşdu.
Heykəllərin yalnız qalıqları qalsa da, yenə də turistləri cəlb edir. İki il əvvəl Əfqanıstana 2 mindən bir qədər çox turist gəlmişdisə, ötən il bu rəqəm artaraq 7 min nəfər olub.
“Yəqin ki, insanları hər şeydən əvvəl macəra hissi cəlb edir. Əfqanıstan yüz illərdir səyyahların təxəyyülünü ələ keçirən bir yerdir. Bu yaxınlarda, o, həm də ziyarəti çətin olan bir yer hesab olunur. İndi bir çox insanı cəlb edən məhz budur. Onlar orada olduqda, baş verənlər sosial mediada paylaşılır. Kabil hökuməti bu cür turizmi dəstəkləyir. Buna cavabdeh olan nazir müavini var. İndi hətta gənc əfqanların turistləri qəbul etməyə hazırlandığı bir məktəb var. Buna baxmayaraq, Qərb ölkələrinin hökumətləri ölkəyə getməməyi məsləhət görürlər”, – deyə nəşrdə deyilir.
