Nikkei 225 (Nikkei 225 Stock Average) Yaponiyada 225 mavi çipin səhmlərinin dəyərinin dinamikasını əks etdirən Yapon fond indeksidir. Orta çəkili düsturla hesablanır.

İlk dəfə 1950-ci ildə Tokio Birjası tərəfindən nəşr edilmişdir. 1970-ci ildən Nihon Keizai Shimbun qəzeti tərəfindən tərtib edilmişdir.

Nikkei 225 Amerikanın  Dow Jones indeksinin analoqudur və tənqidçilərin qeyd etdiyi kimi, nəzərə alınan şirkətlərin sayının az olması səbəbindən Yaponiya iqtisadiyyatının inkişafındakı bütün trendlərini əks etdirə bilməz. Bu baxımdan, Topix indeksləri ailəsi Yaponiya fond bazarında geniş yayılmışdır, onun hesablanmasında 500-dən çox böyük şirkətin (S&P 500 analoqu) sərbəst satılan səhmləri (free float) təhlil edilir.

Hazırda səhmləri indeksə daxil edilən şirkətləri misal olaraq Hitachi, Mitsubishi, Panasonic, Sony, Toshiba, Honda, Mazda, Nissan, Suzuki, Toyota, Canon, Olympus şirkətlərini göstərmək olar.

Nikkei 225, Topix və SSE Composite ilə birlikdə Asiya regionunda aparıcı fond indeksidir.