Nizamnamə – hüquqi şəxsin fəaliyyət göstərdiyi təsisedici sənəddir.

Daha sadə desək, nizamnamə konstitusiyaya bənzəyir, hansının ki əsas məqsədi təşkilatın hüquqi sahədə normal fəaliyyətini təmin etməkdir.

Nizamnamə məqsəd və vəzifələri əks etdirir, qurumun və onun idarəetmə orqanlarının təşkilati quruluşunu, mülkiyyət formasını, habelə idarə olunduğu normaları təsvir edir.

Nizamnamə hüquqi şəxs qeydiyyata düşəndən əvvəl hazırlanmalıdır. O olmasa, şirkət qeydiyyata alınmır. Lazım gələrsə, nizamnamə təkmilləşdirilə bilər. Bütün dəyişikliklə şirkətin təsisçiləri ilə razılaşma əsasında baş verir. Dəyişikliklərdən sonra sənəd təsdiq edilir və qeydiyyat üçün təqdim olunur.

Nüanslar

Nizamnaməyə aşağıdakılar daxildir:

– Təşkilat haqqında məlumatlar – tam və ya qısaldılmış adı, hüquqi və faktiki ünvanı, məqsədləri, fəaliyyət sahəsi;

– Hüquqi status. Burada təşkilatın qurucuları, təsisçilərin vəzifələri, şirkətin baş direktorunun hüquq və vəzifələri və s. göstərilir;

– Təsisçilərin yığıncağının keçirilmə qaydası, qərar qəbul etmək üçün səslərin sayı, bu cür görüşlərin təşkili qaydası, iclasların tezliyi, kənar və ya növbədənkənar görüşlər üçün şərtlər və s. da burada yer alır;

– Vəzifəli şəxslərin təyin edilməsi qaydaları. Rəhbərin seçilməsi qaydaları, habelə onun səlahiyyət müddəti;

– Maliyyə bölməsi. Özündə maliyyə tərəfi ilə bağlı sualları birləşdirir: mühasibat uçotu necə aparılır, hesablar necə hazırlanır, mənfəət necə bölüşdürülür və s.

Fakt

Hüquqi şəxslər nümunəvi nizamnamə, təsisçilər isə İqtisadiyyat Nazirliyinin təyin etdiyi variantlardan biri əsasında fəaliyyət göstərə bilərlər.