“FNC BOKT” QSC 2023-cü ili 105 147 manat mənfəətlə başa vurub.
Banker.az bu barədə BOKT-un maliyyə hesabatına istinadən xəbər verir.
Ötən il “FNC BOKT”un faiz gəlirləri 140 259 manat (əvvəlki ilə nisbətən 7 dəfə çox), faiz xərcləri isə 3 373 manat təşkil edib.
31 dekabr 2023-cü il tarixində “FNC BOKT”un cəmi aktivləri 40 dəfəyə yaxın artaraq 295 623 manatdan 11 milyon 678 min manata çatıb. Bunun 11 milyon 543 min manatı müştərilərə verilmiş kreditlərdir.
Hesabat dövründə “FNC BOKT” QSC-nin cəmi öhdəlikləri 11 milyon 273 min manat, cəmi kapitalı 405 147 manat təşkil edib.
Xatırladaq ki, “FNC BOKT” QSC-nin minimal tələbə uyğun olaraq 300 min manat nizamnamə kapitalı ilə AZ5007, Sumqayıt şəhəri, 6 mkr, Ev 35l, Gənclik küçəsi, m. 2 ünvanında dövlət qeydiyyatına alınıb. BOKT-un qanuni təmsilçisi Ramiz Dadaşov Nazim oğludur.
