Azərbaycan bazarında kredit kart (taksit olmayan) məhsulunu təklif edən Banklar barmaqla sayılacaq qədər azdır. Səbəb isə, müvafiq məhsul üzrə həm texniki dəstəklənmənin, həm də məhsulun marketinq siyasətinin aparılmasında olan çətinliklərdir. Taksit funksiyası olan kredit kartlarını nəzərə almasaq klassik məhsul şəklində təqdim edilən güzəşt müddətli kredit kartları cəmi 6 bankda təklif edilir.

Güzəşt müddəti – kartdan istifadə edilən vəsaitin banka faizsiz olaraq geri qaytarılmasına imkan verən bir özəllikdir. Məlumunuz üzrə kartlardan əsasən 2 formada – nağd və nağdsız qaydada istifadə edilir. Əlavə olaraq “card to card” funksiyasından da istifadə etmək mümkündür. Bu funksiya eyni prosessinq mərkəzində xidmət olunan eyni və ya fərqli bankların kartları  arasında olan pul köçürməsidir. Kartlardan nağdsız istifadə zamanı əgər əməliyyatın valyutası fərqli deyilsə müştəridən heç bir komissiya tutulmur. Fərqli valyutalı əməliyyatlarda yalnız konvertasiya komissiyası tutulur. Lakin, nağdlaşma və “card to card” əməliyyatları üzrə müəyyən komissiyalar tətbiq edilir.

Banker.az monitorinq qrupu bu yazısında güzəşt müddəti olan kredit kartlar və bu kartların nağdlaşma / card to card komissiyaları haqqında məlumatları Sizlərə təqdim edir. Ümid edirik ki, kredit kart seçimi edən zaman müvafiq məlumatlar Siz oxucularımıza faydalı olacaqdır:

Bank	Kart	Güzəşt müddəti			ATM nağdlaşma komissiyası	“Card to card” komissiyası
		Nağd əməliyyatlar üzrə	Nağdsız əməliyyatlar üzrə	Müddət
Express Bank	Expresso	Var	Var	Növbəti ayın 5-dək, maksimum 35 gün	1%	Bankın Debet kartlarına – 1% Bankın Kredit kartlarına – 0,5% Millkarta aid digər kartlara – 1%
Nikoil Bank	Kredit kartı	Var	Var	Növbəti ayın 5-dək, maksimum 35 gün	1%	2% (min.2 AZN)
Rabitə Bank	Kredit kartı	Var	Var	Istifadə tarixindən 30 gün, maksimum 30 gün	1%	0,5% (min. 0,6 AZN)
Bank Respublika	45 günlük faizsiz kredit kartı	Yoxdur	Var	Növbəti ayın 15-dək, maksimum 45 gün	1%	0.25% (min.1 AZN)
Amrah Bank	Kredit kartı	Var	Var	Növbəti ayın 10-dək, maksimum 40 gün	1%	0,5% (min.0,5 AZN)
Bank VTB	Kredit kartı	Var	Var	Növbəti ayın 15-dək, maksimum 45 gün	1%	Azəricard – 0,5% (min.0,5 AZN) Digər prosessinq – 1% (min.2 AZN)