4 C
Baku
Friday, March 29, 2024

Təhlükəsizlik infrastrukturu şöbəsinin mütəxəssisi – Bank Respublika ASC

0
Təhlükəsizlik infrastrukturu şöbəsinin mütəxəssisi – Bank Respublika ASC
Bakı
18.05.2021

“Bank Respublika” ASC İnformasiya Təhlükəsizliyi Departamentinin Təhlükəsizlik infrastrukturu şöbəsinin mütəxəssisi vəzifəsi üzrə vakansiya elan edir.

Artıq 29 il ərzində Bank Respublika “Sizə Faydalı” prinsipinə sadiq qalaraq 27 filial və şöbə şəbəkəsi ilə Bakı, Abşeron və regionlarda öz müştərilərinə yüksək xidmət və faydalı bank məhsulları təqdim edir. Universal bank olmaqla fəaliyyətimizin hər bir sahəsində peşəkar və əzmkar mütəxəssislərlə təmsil olunuruq. Bu illər ərzində müştərilər tərəfindən qazanılan inam ilə qürur duyur və əməkdaşlarımızı bankın əsas kapitalı hesab edirik. Bankımızın illər ərzində əldə olunan təcrübə və uğurlarına şərik olmaq və yeni nailiyyətlərimizə öz imzasını atmaq istəyən nəticəyönümlü şəxsləri komandamıza dəvət edirik.

Ümumi vəzifə öhdəlikləri:

• DLP sisteminin tətbiqi və idarə edilməsi;
• Baş vermiş insidentlərin araşdırılması və təhlili;
• İnformasiya təhlükəsizliyinə dair prosedur, siyasətlərin yazılması və test olunması;
• İnformasiya təhlükəsizliyi standartlarının tətbiq olunması və onlara əməl edilməsinə nəzarət.

Namizədə qarşı tələblər:

• Ali təhsil (aidiyyatı sahə üzrə);
• Müvafiq sahə üzrə minimum 2 illik iş təcrübəsi;
• Dil bilikləri: Azərbaycan dili (əla), Rus və İngilis dili (yaxşı);
• Şəbəkə avandanlıqlarının (router, switch, access point, firewall və.s) əsas parametrlərinə dair biliklər;
• DLP sistemlərinin işləmə mexanizmi barədə dərin biliklər;
• Problemlərin effektiv həll olunması və analitik düşünmə bacarığı;
• Anti-virus, Anti-Malware sistemləri üzrə biliklər;
• Email təhlükəsizliyi sistemləri üzrə biliklər;
• Monitorinq sistemləri üzrə biliklər;
• İnformasiya təhlükəsizliyi standartları haqqında biliklər (ISO/IEC 27001, NIST, PCI-DSS və s.).

Sizə nə təklif edirik?

• Öz bilik və bacarıqlarınızı nümayiş etdirmək üçün şəffaf seçim prosesi;
• Bank sektorunda karyera qurmaq/inkişaf etdirmək təşəbbüslərinizi gerçəkləşdirmək imkanları;
• Əlverişli iş mühitində çalışmaq imkanı.

Göstərilən tələblərə cavab verən namizədlər öz CV-lərini 28 may 2021-ci il tarixinədək email-in mövzu hissəsində Təhlükəsizlik infrastrukturu şöbəsinin mütəxəssisi qeyd edərək [email protected] elektron ünvanına göndərə bilər. Əks təqdirdə belə müraciətlilərin namizədliyinə baxılmaya bilər.

Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.

İşin aid olduğu sahə

KateqoriyaBank və BOKT işçisi