İngiltərənin “Manchester City” klubu 2017-2018 mövsümündəki gəlirlərinə dair hesabat təqdim edib.
Banker.az Azərtac-a istinadla məlumat verir ki, klubun rekord məbləğdə – 505,5 milyon funt-sterlinq qazandığı bildirilir.
Klubun təmiz qazancı 10,4 milyon funt təşkil edib. Son 5 ildə gəlirlər 44 faiz artıb. Bu, teleyayım hüquqlarının satışı, Çempionlar Liqasındakı irəliləyiş və daha əlverişli sponsor müqavilələri ilə əlaqədardır.
Qeyd edək ki, ötən mövsüm “Manchester City” İngiltərə çempionu olub. Hazırda komanda 4 turdan sonra 10 xalla 4-cü yeri tutur.
