“Opera” şirkəti məhsullarını təkmilləşdirməyə davam edir. İndi də iOS üçün Opera brauzerinə pulsuz VPN əlavə edib.
Artıq istifadəçilər internetdən istifadə edərkən şəxsi məlumatlarının təhlükəsizliyini və anonimliyini təmin edə bilərlər.
Beləliklə, “Opera” “Mac”, “Windows”, “Linux”, “Android”, indi də “iOS” kimi bütün əsas platformalarda pulsuz VPN təklif edən ilk böyük brauzer adını qazanıb.
VPN əsas menyu vasitəsilə aktivləşdirilir. Bunun üçün abunə, avtorizasiya və ya əlavə genişləndirmələrin quraşdırılması tələb edilmir.
Tərtibatçıların fikrincə, bu, istifadəçilərin təhlükəsizliyinin və onların məxfiliyinin təmin edilməsində mühüm addımdır.
Pulsuz VPN-nin yaxın həftələrdə tam istifadəyə veriləcəyi gözlənilir.
