Publik hüquqi şəxsin təsisçisinin səlahiyyətləri artırılır.
Bununla bağlı “Publik hüquqi şəxslər haqqında” qanuna dəyişiklik layihəsi Milli Məclisin bu gün keçirilən növbədənkənar sessiyasının iclasında birinci oxunuşda müzakirəyə çıxarılıb.
Qanunun 8-ci maddəsinə (İdarəçilik) 8.2.2-1-ci bənd əlavə edilir.
Əlavə edilən bəndə əsasən, idarəetmə orqanlarının rəhbərlərinin (üzvlərinin) vəzifəyə təyin və vəzifədən azad edilməsi publik hüquqi şəxsin təsisçisinin səlahiyyətləri sırasına daxil edilir.
Qanun layihəsi müzakirələrdən sonra səsverməyə çıxarılıb və I oxunuşda qəbul edilib.
