Rusiyanın hazırda Xarkovu tutmaq planı yoxdur.
Bunu Çində səfərdə olan Rusiya prezidenti Vladimir Putin bildirib.
Onun sözlərinə görə, rus qoşunları Xarkov yaxınlığında ciddi şəkildə plan üzrə irəliləyir.
Putin deyib ki, Ukrayna Xarkovdan “Belqorodu atəşə tutur”, buna görə də rus qoşunları bölgədə “sanitariya zonası” yaradır.
Qeyd edək ki, Ukraynanın Xarkov vilayəti uğrunda döyüşlər şiddətlənib. Bu barədə həm Ukrayna, həm də Rusiya tərəfi məlumat yayıb.
Rusiya Müdafiə Nazirliyi Xarkov vilayətində 12 yaşayış məntəqəsinin tutulduğunu bildirib.
Ukrayna prezidenti Volodimir Zelenski isə bildirib ki, qoşunlar Xarkov vilayətinin şimalında Rusiya ordusunun hücumu ilə bağlı vəziyyəti sabitləşdirə bilib.
