“Volkswagen” şirkəti yenilənmiş “Touareg” krossoverini təqdim edib, Banker.az bu barədə xarici mediaya istinadən xəbər verir. Zahirən avtomobili əvvəlki modeldən yeni bamper dizaynı ilə fərqləndirmək olar.
“Touareg 2024” modelində optikaya xüsusi diqqət yetirilib. Krossover hər biri üç moduldan ibarət yüksək dəqiqlikli matrisli LED faralar alıb. Şirkət qeyd edir ki, bu, “dünyanın ən yaxşı işıqlandırma sistemlərindən biridir”.
Daha bir nou-hau damdakı yükü ölçən sensordur. O, stabilizasiya sisteminin həddi və müdaxilə dərəcəsini dəyişdirməyə imkan verən köməkçi elektronika ilə şəbəkələnir.
Salonda virtual cihazlar paneli və multimedia sisteminin böyük ekranı var ki, bunlar birlikdə vahid rəqəmsal konsolu təşkil edir. Qeyd edilənlərə təkmilləşdirilmiş səs nəzarəti, daha dəqiq naviqasiya, yenidən işlənmiş səs düymələri və 45 Vt doldurma gücünə malik yeni USB-C portları daxildir.
“Touareg 2024″ün benzin, dizel və hibrid versiyaları olacaq. Almaniya bazarı üçün qiymətlər artıq açıqlanıb: 69 200 avrodan 93 870 avroya qədər.
