®2004-cü ilin 27 dekabr tarixində Azərbaycan Respublikasının Mərkəzi Bankının 246 nömrəli lisenziyası əsasında fəaliyyətə başlayan Xalq Bankın 17 yaşı tamam olur.
Bu gün Xalq Bank müştərilərin etibarlı tərəfdaşına çevrilmiş və ölkənin aparıcı bankları sırasında öz yerini tutmuşdur.
Bu illər ərzində Bank öz fəaliyyətində ölkəni əhatə edən geniş filial şəbəkəsi ilə yüz minlərlə müştərilərə peşəkar, müasir və rahat bankçılıq xidmətlərinin göstərilməsini və bununla da müştəri məmnuniyyətinin təmin edilməsini əsas tutmuşdur.
2021-ci ildə istifadəyə verilmiş hüquqi və fiziki şəxslər üçün vahid platformalı XalqOnline mobil internet bankçılıq sistemi SME Banking Club beynəlxalq agentliyi tərəfindən “2021-ci ilin korporativ seqmentə xidmət göstərən ən yaxşı tətbiqi” mükafatına layiq görüldü. Mütəxəssislər Xalq Bank mobil əlavəsində mövcud olan funksiyaların rahatlığını və tamlığını yüksək qiymətləndirdilər.
Həmçinin, 17 il ərzində Xalq Bank cəmiyyətin inkişafına öz töhfəsini verərək mədəni-sosial layihələrdə aktiv iştirak etmişdir.
Belə ki, Bank 2010-cu ildən etibarən təqdim etdiyi “Xalq Əmanəti” layihəsi çərçivəsində 21 kitab nəşr etdirməklə xalqımızın mədəni irsinin qorunub gələcək nəsillərə çatdırılması və mədəniyyətimizin dünyada tanıdılması istiqamətində əhəmiyyətli işlər görmüşdür.
ASC “Xalq” Bankı müştəri və tərəfdaşlarına inam və etimadına görə dərin minnətdarlığını bildirir, növbəti ildə onlarla birlikdə yeni uğurlara imza atmaq ümidi ilə qarşıdan gələn 31 dekabr Dünya Azərbaycanlılarının Həmrəyliyi Günü və Yeni il bayramlarını təbrik edir!
