“Xalq Sığorta” şirkətinin yığımlarında azalma müşahidə olunur.
Banker.az bu barədə Azərbaycan Mərkəzi Bankına istinadən xəbər verir.
2021-ci ilin iyun ayında “Xalq Sığorta” şirkətinin sığorta haqqları 13 milyon 40 min manat olub ki, bu da ötən ilin eyni dövrünə nisbətən 2% azalma deməkdir.
2020-ci ilin müvafiq dövründə isə sığorta şirkətinin yığımları 13 milyon 293 min manat təşkil edib.
Xatırladaq ki, “Xalq Sığorta” 2004-cü ildə yaradılıb. Onun nizamnamə kapitalı 58.75 milyon manatdır. Şirkətin səhmlərinin 50%-i “İdeal Business Co.” MMC-yə, 50%-i isə “Euro Standard” MMC-yə (“Xalq Bank” ASC-nin 33.85%-lik səhmdarı, “Bank Avrasiya” ASC-nin 37.5%-lik səhmdarı) məxsusdur.
