Son illər rəqəmsal hökumətin formalaşdırılmasında “bulud” texnologiyalarından geniş istifadə olunur.
Report Agentlliyi xəbər verir ki, bunu Bakıda keçirilən “BMT-nin Dövlət Xidmətləri Forumu”nda Nəqliyyat, Rabitə və Yüksək Texnologiyalar naziri Ramin Quluzadə deyib.
Onun sözlərinə görə, “hökumət buludu” (“G-gloud”)dövlət idarəetməsində ən əhəmiyyətli tendensiyalardan biridir: “Prezident “hökumət buludu”nu dövlət xərclərinin azaldılmasında əhəmiyyətli hesab edib. Onun tətbiqi üçün keçid planı hazırlanacaq və bütün dövlət qurumları mərhələli şəkildə bu sistemə keçiriləcək”.
