Rusiya-Ukrayna müharibəsinin 49-cu günü

17:03 — İsveçrə Rusiya və Belarusa qarşı beşinci sanksiyalar paketini qəbul edib.

16:56 — İran Rusiyanın Ukraynadakı müharibəsinə qarşıdır, Ukrayna XİN rəhbəri Dmitro Kuleba deyir

⚡️📲Təcili xəbərlər üçün bizi WhatsApp kanalından izlə

“İranın xarici işlər naziri ilə telefon danışığım oldu. İran Rusiyanın Ukraynaya qarşı müharibəsinə qarşıdır, diplomatik həll yolunu dəstəkləyir. İran şirkətlərinin köməyi ilə Rusiyaya silah ötürülməsi ilə bağlı iddiaları təkzib etdiyinə və Ukraynaya göndərilən tibbi heyətə görə xarici işlər naziri Abdullahiana minnətdarıq”

16:45 — Finlandiyanın baş naziri: NATO-ya üzv olmaq qərarı bir neçə həftə ərzində veriləcək.

“Bizdə çətin qərar qrafiki yoxdur, amma düşünürəm ki, olduqca tez olacaq. Bir neçə həftə ərzində aylar deyil.”

16:23 — Böyük Britaniya hökuməti sabahdan Rusiyadan çuqun və polad idxalına icazə verməyəcək.

16:09 — Xarkov Vilayət Dövlət Administrasiyasının rəhbəri Oleq Sinegubov bildirir ki, Xarkov vilayətində iki Rusiya təyyarəsi Ukrayna Silahlı Qüvvələri tərəfindən vurulub.

13:49 — İsveçin “SVD” qəzeti bu ölkənin NATO-ya üzv olmaq üçün iyun ayında müraciət edəcəyini yazır.

12:10 — Əgər Rusiya qazının Almaniyaya axını dayanarsa, Almaniyada 2023-cü ildə resessiya olacaq, iqtisadi institutlar bildirir (AFP).

12:01 — Xarici onlayn mağazalar Rusiyadakı “UnionPay” kartlarından ödəniş etməyi bloklayıb.

Qeyd edək ki, “Visa” və “Mastercard” Rusiyada fəaliyyətini dayandırdıqlarını açıqladıqdan sonra Rusiya Çinin “UnionPay” ödəniş sisteminə keçmişdi. Lakin görünür ki, artıq o da işləmir. – Kommersant nəşri

11:51 — Fransa prezidenti Emmanuel Makron yaxın günlərdə Vladimir Putinlə yenidən söhbət etmək niyyətində olduğunu bildirib. O, həmçinin Ukrayna prezidenti Vladimir Zelenski ilə də danışmaq niyyətindədir.

11:42 — Pentaqon Ukraynaya Mi-17 helikopterləri və “Humvee” yolsuzluq avtomobillərinin təhvil verilməsini nəzərdən keçirir. Bunu Washington Post yazır.

11:27 — “Bloomberg” şirkət nümayəndəsinə istinadən xəbər verir ki, İsveçrə-Hollandiya neft ticarəti şirkəti “Vitol Group” bu ilin sonunadək Rusiya nefti ilə ticarəti dayandırmağı planlaşdırır.

08:20 — ABŞ Ukraynaya əlavə 750 milyon dollarlıq hərbi yardım ayıracaq. Məlumata görə, avadanlığın tərkibi ilə bağlı yekun qərar hələ verilməyib. “Prezident Bayden administrasiyasının Ukraynaya daha 750 milyon dollarlıq hərbi göstərməsi gözlənilir”, – mesajda bildirilib.

02:30 — Türkiyə mövcud münaqişələrin sülh yolu ilə həllinin tərəfdarıdır. Bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra televiziya ilə çıxışında deyib.

01:54 — ABŞ Prezidenti Cozef Bayden Rusiyanın Ukraynadakı hərəkətlərini ilk dəfə olaraq soyqırım adlandırıb.

00:04 — Ukrayna Prezident Volodimir Zelenski həbsdə olan deputat Viktor Medvedçukla bağlı Rusiya Federasiyasına təkliflə çıxış edib.